Chloe’s Inbox – Go for “better” not “bitter”

December 13, 2019

• 

  Dear DJ Chloe,

  Matagal ko na pong plano na magsend ng PM sa inyo. Kaya lang nahihiya po ako. Pero ngayon, lalakasan ko na ang loob ko. I have been spending Christmas alone for the past five (5) years. Minsan I’m with my family pero madalas ‘pag Christmas, mag-isa ako. It’s because the man I’ve chosen to love has a family. At s’yempre kapag Pasko, nandun siya sa family niya. He would usually come to see me every 26th na lang. Maraming beses na nasayang ang mga prinepare ko kasi hoping ako na darating siya, pero hindi. Kasalanan ko naman. I’ve chosen to be the other woman, kaya ‘pag Pasko, New Year, Valentine’s, at birthday niya hindi ako ang kasama niya. Naawa akong iwan siya kasi sabi niya, he is not happy with his wife anymore, just his kids na lang daw. Although minsan when I stalk the wife’s Facebook page, parang nakikita ko, okay naman sila.

  DJ Chloe, do you think he really loves me? Do you think there will really be time for us both? Or umaasa lang ako sa wala? Pagod na rin ako.

  Clarens

  Hi Clarens,

  Kuwadrado ba ang buwan? Malamig ba ang sikat ng araw? Hindi ba nakakapaso ang kumukulong tubig? No lahat, ‘di ba? ‘Yan din ang sagot sa tanong mo. Super suntok sa buwan kung magiging kayo, as in kayo. Only if he files for annulment and leaves his wife for good. The Facebook stalking will help you a lot. P’wedeng palabas na lang nila na okay sila, p’wede ding masyado na siyang kampante sa panloloko niya sa’yo at tingin niya eh naniniwala ka sa lahat ng k’wento niyang hindi maganda tungkol sa asawa niya. So pa’no? Next year? 6th year mo ng magpapasko nang mag-isa at malungkot? Girl, we all deserve better in this life. Find someone who can give you “better”, not BITTER.

  

• COMMENTS