Chloe’s Inbox – What matters is how you get up when you fall

December 4, 2019

• 

  Dear DJ Chloe,

  Your station is our official radio station at work. In fact hindi lang sa work, hanggang sa shuttle kayo pa rin pinapakinggan ng driver namin. Never thought I’d also find myself writing you a letter, but here I am. So here it goes.

  Last year, nagkaroon kami ng bagong empleyado. Bata pa siya, mid-20s, magkadepartment kami. Nasa IT ako, so usually ako tinatawag nila kapag may kailangan ayusin—sa internet, sa computers, sa networks, at ewan ko ba naman na lagi na lang may topak ang net namin kaya madalas akong mapadpad sa table niya (tawagin natin siya Leah). To make it short, naging close kami hanggang naging magkasabay kumain, magkasabay umuwi, at mapadpad sa malamig na lugar muna bago umuwi. Mag-iisang taon ng kami, the problem is, may asawa ako at alam niya naman. Eto na ang pinaka problema, buntis siya ngayon—two (2) months na at hindi ko alam ang gagawin ko. Ang sabi niya, hindi niya kami guguluhin pero ako ang naguguluhan dahil alam ko na pagnalaman ng asawa ko malaking gulo talaga ‘to. And to make everything more complicated, my wife also told me na delayed na rin siya ng three (3) weeks. Kailangan ko pong hiwalayan si Leah at suportahan na lang ang bata? Or dapat ko pa bang ipagpatuloy ang ano man na meron kami? Salamat and I’ll wait for your advice.

  Patrick

  Hi Patrick,

  Masakit nga sa ulo. Alam mo, kahit mga lalaki p’wede rin magpractice ng family planning or mag-ingat na hindi makabuntis, hindi lang mga babae. I’m not saying it’s okay to do what you did, mali ‘yun in all levels. Pero ang buntisin mo pa? Brod naman, para ka namang bago eh. Yes, hiwalayan mo na, PERO SUPORTAHAN mo ang bata dahil ‘pag ‘di mo hiniwalayan ‘yan, magiging dalawa at tatlo, o baka apat pa anak niyo. It’s up to you if you’ll tell your wife about what you did. Eventually in the long run magtataka ‘yan bakit kulang ang iniintrega mo sa sweldo mo. Magpapagatas ka at diaper sa kabila, ‘di ba? Plus, kung buntis din ang asawa mo that would mean, double the expenses. Mali ang nagawa mo pero habang may time ka pa, itama mo na ang buhay mo. Sana hindi ka pahirapan ni Leah, sana hindi siya maghabol, sana hindi ka pigilan sa plano mong pag-iwan sa kanya. Because if she does, that is where your real problem starts. Una, s’yempre ligaya, ngayon at sa mga susunod na yugto ng buhay mo…problema na. A moment of wrong decision can wreak a lifetime of havoc in your life.

  

• COMMENTS